هدية الى ام الشهيد .. سيد احمد شمس

[ندعوك للتسجيل في المنتدى أو التعريف بنفسك لمعاينة هذه الصورة]

أم الشهيد






ادري صعب فقد العزيز



الغالي..



وكل ما يمر ذكره تحير



بالي..



لا مو سهل ..



لمن تمر ليام من دون الولد..



كن الظلام يحوم



وأذوب الجلد..



يا دنيا وش ذنبي تحرميني بعد..



وطيف الشهيد يحوم دوم قبالي ..



.................................................. ..



هذي ثيابك يا بني



تسأل بأكتئاب..



حتى القلم يسألني عنك



والكتاب..



وين أنت يا نور البصر؟..



صارت حياتي معتمه



وأنت القمر..



كل شي في وسط البيت



يحمل لك اثر..



ومنهو يصبر بالحزن دلالي؟..



.................................................. ....



سامحني لو بتراب قبرك



ما بقيت..



ولو دمعتي نشفت



وبالشوف انعميت..



يا ولدي تدريني كسيرة



وما قويت..



كيف افقدك وأنت العمر ؟..



حتى الصبر



عاف الصبر..



ليت اذبحوني ولا فنوك



امن الصغر..



الموت أهون من عذاب إلـــ جالي ..



.................................................. ..........



يا سيد احمد عن عذابي



يسألون !!..



حزني كبير وخافقي



شاف الجنون..



لا تسألون !!..



كل شي في هالدنيا يهون..



إلا العزيز اللي جفى



قلبي الحنون..



خلاني طيف إنسان



ما بين الظنون..



متحيرة بين الألم..



حلمي يا روح الروح



من رحت أنهدم..



غدر الزمن والضيم شيب حالي ..



.................................................. ...............




نلت الشهادة يا العزيز



ومفخرة..



يا وردة أيامي ويا دمعي



إلــــ جرى..



راح أذكرك ..



بين الجراح..



في كل مسى ..



في كل صباح..



أنت بقيت وكل شي راح..



ودي اجيك وأحضنك



حضن الوداع..



واخذ من أحضانك لأيامي



متاع..



ودي يا ولدي أوصلك..



اعتب عليك وأسألك..



ليش الزمن خيب جميع أمالي ؟..



.................................................. ..............



كل من تمنى في الضنى



زفة شباب..



بس سيد احمد ..



خلى في القلب العذاب..



توه صغير شلون يفنيه



الغياب ؟..



يا سيد احمد سار صار



مظلمة..



حتى الزوايا فيها صارت



معتمه..



الأرض تبكي والمشاعر



والسمى..



وكنت ارسم الأحلام وأنت إقبالي..